काठमाडौं । हालै हिमताल विस्फोट भएको क्षेत्रको तल्लो भागमा पुनः हिउँ तथा चट्टान खस्ने घटना देखिएपछि चिनियाँ पक्षले उच्च सतर्कता अपनाउन आग्रह गरेको छ।

चिनियाँ पक्षले हिमताल विस्फोटपछि प्रभावित क्षेत्रमा भू–भाग अस्थिर रहेको र थप हिमपहिरो तथा चट्टान खस्ने जोखिम कायम रहेको भन्दै आसपासका बासिन्दा तथा सम्बन्धित निकायलाई सावधानी अपनाउन आग्रह गरेको हो।

जोखिमयुक्त क्षेत्रमा अनावश्यक आवतजावत नगर्न तथा सम्भावित जोखिमबाट सुरक्षित रहनसमेत आग्रह गरिएको छ।

यसअघि उक्त क्षेत्रमा हिमताल विस्फोट हुँदा ठूलो बाढी आएको थियो। त्यसबाट तल्लो तटीय क्षेत्रमा जनधन तथा भौतिक संरचनामा क्षति पुगेको थियो। पछिल्लो समय पुनः हिउँ र चट्टान खस्ने घटना देखिएपछि जोखिम थप बढ्न सक्ने भन्दै चिनियाँ पक्षले निगरानी र सतर्कता बढाएको जनाएको छ।