रसुवा। बाढी तथा पहिरोबाट प्रभावित रसुवा अस्पतालमा उपचार तथा उद्धार कार्यका लागि विभिन्न अत्यावश्यक सामग्रीको आवश्यकता परेको छ।

अस्पतालले स्यानिटाइजर, ह्यान्डवास, स्यानिटरी प्याड, भिजेको टिस्यु, लामखुट्टेबाट बच्ने धुप तथा झुल, पानीका बोतल, थर्मस, टेन्ट र पावर बैंक तत्काल आवश्यक रहेको जनाएको छ।

विपद्का कारण अस्पतालमा बिरामी तथा प्रभावितको चाप बढिरहेका बेला सरसफाइ, स्वास्थ्य सुरक्षा तथा दैनिक प्रयोगका सामग्रीको आवश्यकता थप बढेको हो। विशेषगरी बाढी तथा पहिरो प्रभावित क्षेत्रमा लामखुट्टेको जोखिम बढ्न सक्ने भएकाले धुप र झुलजस्ता सामग्री पनि आवश्यक रहेको अस्पतालले जनाएको छ।

त्यस्तै, विद्युत् तथा सञ्चार सेवामा समस्या आउन सक्ने अवस्थालाई ध्यानमा राख्दै पावर बैंक, टेन्ट र थर्मस लगायतका सामग्रीलाई समेत अत्यावश्यक सूचीमा राखिएको छ।

रसुवा अस्पतालले विपद्को अवस्थामा स्वास्थ्य सेवा निरन्तर सञ्चालन गर्न सहयोग आवश्यक रहेको भन्दै सम्बन्धित निकाय, संघसंस्था तथा सहयोगी व्यक्तिहरूलाई अत्यावश्यक सामग्री उपलब्ध गराउन आग्रह गरेको छ।

अस्पतालका अनुसार हाल तत्काल आवश्यक सामग्रीहरू:

• स्यानिटाइजर
• ह्यान्डवास
• स्यानिटरी प्याड
• भिजेको टिस्यु
• लामखुट्टे धुप
• झुल
• पानीका बोतल
• थर्मस
• टेन्ट
• पावर बैंक