नुवाकोट। विदुर नगरपालिका-६ सोलेबजार क्षेत्रका बाढीपीडितका लागि विभिन्न अत्यावश्यक राहत सामग्री आवश्यक परेको छ।

उपलब्ध सूचीअनुसार राहतका लागि ४५ थान डसना, ४५ थान सिरक, ४५ थान तन्ना, महिला ट्राउजर २५ थान, पुरुष ट्राउजर २० थान र २ हजार ३०० प्याकेट सेनिटरी प्याड आवश्यक रहेको उल्लेख छ।

त्यस्तै ९० वटा सोलार चार्जर तथा खाना पकाउने सामग्री र अन्य आवश्यक वस्तु पनि माग गरिएको छ।

राहत सामग्रीको सूची विदुर नगरपालिका-६, सोलेबजार क्षेत्रका प्रभावित परिवारका लागि तयार गरिएको हो।