काठमाडौं । संविधान दिवसका अवसरमा प्रधानमन्त्री वालेन्द्र शाह ‘बालेन’ले ‘हामी कानुनी राजा पक्षमा छौँ’ भनेका छन्।

संविधान दिवसका अवसरमा हिप्पी शैलीमा सम्बोधन गर्दै प्रधानमन्त्री शाहले लोकतन्त्र, मानव अधिकार, समानता र सामाजिक न्यायका मूल्यलाई व्यवहारमा स्थापित गर्न सरकार प्रतिबद्ध रहेको बताए तर त्यही क्रममा उनले बोलीको टोन खस्काउँदै कानुनी राजा भन्ने शब्द उच्चारण गरे।

‘प्रतिस्पर्धात्मक बहुदलीय लोकतन्त्र, मानव अधिकार र कानुनी राजा यी हाम्रा लागि सर्तहरू होइनन्, यी हाम्रा राष्ट्रिय जीवनका आधार हुन्।’ उनले भने।

हजारौँ सहिदको बलिदान, लामो संघर्षबाट आर्जित संविधानकै धज्जी उड्ने गरी उनले संविधान दिवसकै अवसरमा गरेको उक्त सम्बोधनले उनी राजा ल्याउन त चाहँदैनन् ? भन्ने प्रश्नलाई सतहमा ल्याएको छ।

प्रधानमन्त्रीजस्तो संवैधानिक पदमा रहेका व्यक्तिले संविधान दिवसकै दिन ‘कानुनी राजा’ भन्ने शब्द प्रयोग गर्नुले उनको संवैधानिक बुझाइमाथि नै प्रश्न उठेको छ।

नेपालको संविधानले सार्वभौमसत्ता र राजकीय सत्ता नेपाली जनतामा निहित रहेको व्यवस्था गरेको छ। त्यसैले संविधान दिवसकै दिन प्रधानमन्त्रीबाट ‘कानुनी राजा’ शब्द प्रयोग हुनु आफैँमा अस्वाभाविक र आलोचनाको विषय हो।