काठमाडौं । चर्चित र्‍यापर भ्योमाले दसैंको पूर्वसन्ध्यामा काठमाडौंको जडिबुटीस्थित क्लब १८ मा लाइभ प्रस्तुति दिने भएका छन्।

क्लब १८ को आयोजनामा असोज १६ गते (अक्टोबर २) ‘भ्योमा लाइभ’ आयोजना हुन लागेको हो। कार्यक्रम राति ८ बजेदेखि सुरु हुनेछ।

कार्यक्रममा भ्योमाले आफ्ना चर्चित गीतहरू प्रत्यक्ष प्रस्तुत गर्ने आयोजकले जनाएको छ। उनले ‘भयंकर’, ‘मुक्तक’, ‘झुम्का’, ‘गोरी’, ‘मायाले मात्य म’, ‘भाइभ हान्यो’, ‘बाल्दे’ र ‘आक्रमण’ लगायत गीत प्रस्तुत गर्नेछन्। भ्योमाको प्रस्तुतिसँगै डिजेको प्रस्तुति पनि रहनेछ।

दसैंको माहोल सुरु भइसकेको समयमा युवापुस्तालाई लक्षित गरी कार्यक्रम आयोजना गर्न लागिएको क्लब १८ का सञ्चालक सुजन श्रेष्ठले बताए।

‘दसैं भनेकै भेटघाट, रमाइलो र खुसी साटासाट गर्ने समय हो। यही माहोललाई अझ विशेष बनाउन क्लब १८ मा भ्योमाको लाइभ कार्यक्रम गर्न लागेका हौं,’ श्रेष्ठले भने, ‘भ्योमाका गीत अहिले युवापुस्तामाझ लोकप्रिय छन्। उहाँको प्रत्यक्ष प्रस्तुति र क्लबको वातावरणले दर्शकलाई दसैंको पूर्वसन्ध्यामा छुट्टै रमाइलो अनुभूति दिनेछ भन्ने विश्वास छ।’

साथै, कार्यक्रममा सहभागी हुन चाहने दर्शकका लागि टेबल रिजर्भेसनको व्यवस्था गरिएको आयोजकले जनाएको छ।