काठमाडौं । नेकपा (एमाले)का सचिव महेश बस्नेतले वर्तमान सरकार अधिनायकवादी शैलीमा अघि बढेको आरोप लगाएका छन् ।

पार्टी केन्द्रीय कार्यालय च्यासलमा सञ्चारकर्मीसँग कुरा गर्दै बस्नेतले सरकारका गतिविधिको विरोधमा एमालेले सशक्त रूपमा प्रतिवाद गर्ने बताएका हुन् ।

उनले हालै सम्पन्न एमाले केन्द्रीय कमिटी बैठकले सरकारका जनविरोधी गतिविधिविरुद्ध प्रतिवाद गर्ने निर्णय गरेको जानकारी दिए ।

बस्नेतले चाडपर्व सकिएलगत्तै सरकारविरुद्ध सशक्त आन्दोलन गर्ने पनि बताएका छन् ।

सरकारले पछिल्लो समय अघि बढाएका विभिन्न कदमप्रति असन्तुष्टि जनाउँदै एमालेले राजनीतिक तथा सडक संघर्षलाई थप प्रभावकारी बनाउने उनको भनाइ थियो ।