काठमाडौं । नेकपा एमालेको संसदीय दलको बैठक पार्टी केन्द्रीय कार्यालय च्यासलमा जारी छ।

बैठकमा समसामयिक राजनीतिक घटनाक्रम, हालै सम्पन्न संसद् अधिवेशन र आगामी दिनमा पार्टीले लिनुपर्ने राजनीतिक रणनीतिलगायतका विषयमा छलफल भइरहेको छ।

बैठकमा एमाले अध्यक्ष केपी शर्मा ओली पनि सहभागी छन्। उनले पार्टीका सांसदहरूलाई समसामयिक राजनीतिक विषयमा आवश्यक निर्देशन दिने बताइएको छ।

संसद् अधिवेशन अन्त्य भएसँगै विकसित राजनीतिक परिस्थितिबारे सांसदहरूबीच छलफल गर्न बैठक बोलाइएको एमालेले जनाएको छ।