काठमाडौं । नेपाली कांग्रेसको १५औँ महाधिवेशनको उद्घाटन समारोहमा सहभागी हुन नेकपा एमालेका महासचिव शंकर पोखरेल काठमाडौंको खुलामञ्च पुगेका छन्।

एमाले अध्यक्ष केपी शर्मा ओली सहभागी हुन नसकेपछि उनको प्रतिनिधिका रूपमा पोखरेल कांग्रेस महाधिवेशनमा पुगेका हुन्।

कांग्रेसको १५औँ महाधिवेशनको उद्घाटन समारोह अहिले खुलामञ्चमा चलिरहेको छ। समारोहमा सहभागी हुन विभिन्न राजनीतिक दलका नेता तथा प्रतिनिधिहरू खुलामञ्च पुगेका छन्।

पोखरेलले एमालेका तर्फबाट कांग्रेस महाधिवेशनलाई शुभकामना दिने कार्यक्रम रहेको बताइएको छ।