काठमाडौं । भारतमा नरेन्द्र मोदीको शक्तिशाली सरकारलाई कक्रोज जनता पार्टी टाउको दुखाई बनेको छ ।

कांग्रेस आईलगायत विपक्षी गठबन्धन कमजोर बनेको बेला कक्रोज जनता पार्टीले मोदी सरकारलाई फेरि कडा चुनौती दिइरहेको हो ।

कक्रोजको प्रदर्शन रोक्न मोदी सरकारले उक्त पार्टीका नेता पक्राउ गर्ने देखि राजधानी नयाँ दिल्लीमा कडा सुरक्षा व्यवस्था गरिएको छ । कक्रोच जनता पार्टी (सीजेपी)ले अभिजीत दीपके, सौरव दास र आशुतोष रांकालाई प्रहरीले हिरासतमा लिएको दाबी गरेको छ ।

सीजेपीले वक्तव्य जारी गर्दै शनिबार दिल्लीमा विमानभित्रैबाट उनीहरूलाई नियन्त्रणमा लिइएको दाबी गरेको हो । प्रहरीको यो कदमलाई सीजेपीले तानाशाही कदम भनेका छन् र आफ्ना नेताहरुको रिहा मागेको छ ।

यसअघि चर्चित युट्युबर ध्रुव राठीसहित दुई जना पक्राउ परेका थिए ।

यसबीच मोदी सरकारले ३० हजार प्रहरी र अर्धसैनिक सुरक्षाकर्मी परिचालन गरेका छन् । प्रदर्शन चर्किने देखिएपछि विपक्षी नेताहरूले राष्ट्रपति द्रोपदी मुर्मुसँग भेट गरेका छन् ।

प्रदर्शन गर्न राजधानी दिल्लीतर्फ अगाडि बढिरहेका कक्रोज पार्टीका नेता, कार्यकर्ता र शुभेच्छुकहरुले भने मुख्य निर्वाचन आयुक्त ज्ञानेशकुमारको राजीनामा मागेका छन् ।