काठमाडौं । राष्ट्रिय स्वतन्त्र पार्टी (रास्वपा)का सांसद खगेन्द्र सुनारले एक महिला नेतृलाई सम्बन्धमा रहँदा अश्लिल भिडियो खिचेको र मारेर रगत खाने भनिएको अडियो सार्वजनिक भएपछि सोही पार्टीकी सांसद ज्वाला संग्रौलाले ‘अश्लिल… सुन्नै नसकिने’ भन्दै टिप्पणी गरेकी छन् ।

हत्तपत्त आफ्ना दलका नेताहरूको विवादित मामिलामा नबोल्ने संग्रौलाले सुनारको हिंसाप्रेरित टेलिफोन धम्कीबारे भने छोटोमा टिप्पणी गरेकी हुन् ।

रगत खानेजस्तो धम्कीपूर्ण शब्द प्रयोगलाई उनले आपराधिक भन्न चाहिनन् । गत वर्षको प्रतिनिधिसभा निर्वाचनअघि उनले खगेन्द्रलाई भेटेकी थिइन् ।

यतिबेला खगेन्द्र गम्भीर विवादमा फसेपछि उनलाई नै लक्षित गरेर संग्रौलाले उनको अभिव्यक्ति अश्लिल भनेकी हुन् ।

सांसद सुनारले आफ्ना् विवादित अडियो सार्वजनिक भएपछि प्रतिक्रिया जनाएका छैनन् ।

अरुबेला उनी आफूसँग सम्बन्धित कुनै पनि विषय सार्वजनिक भए लगत्तै फेसबुकमार्फत् प्रक्रिया जनाइहाल्थे । यसपटक गम्भीर विवादमा फसेपछि उनी मौन देखिएका छन् ।