`

कांग्रेस कमजोर भए लोकतन्त्र कमजोर हुन्छ: विजयकुमार गच्छदार

Nepal One HD ९ साउन २०८० १३:१७
राजनीति

काठमाडौं / नेपाली कांग्रेसका पूर्व उपसभापति विजयकुमार गच्छदारले कांग्रेस कमजोर भए लोकतन्त्र पनि कमजोर हुने बताएका छन् ।

मंगलबार काठमाडौंमा आयोजित चियापान समारोहलाई सम्बोधन गर्दै गच्छदारले देशको राजनीति खराब अवस्थाबाट गुज्रिएको बताएका छन् । उनले नेपाली कांग्रेस कमजोर भएमा लोकतन्त्र कमजोर हुने भन्दै कांग्रेसलाई शसक्त ढंगबाट अगाडि बढाउनुपर्ने बताए ।

पार्टी सभापति विमानको पाइलट भए अन्य पदाधिकारी सहायक पाइलट रहेको भन्दै उनले सबै मिलेर काम गर्नुपर्ने अवस्था आएको बताए । “नेपाली कांग्रेसको पाइलट सभापति हो, अरु पदाधिकारी, सदस्य सभापतिको सहयोगी हुन्, को पाइलट हुन्,” उनले भने, “गुट, उपगुटमा नेपाली कांग्रेस नराम्रोसँग फसेको छ । देशको राजनीतिको अवस्था खराब छ ।”


प्रतिक्रिया