काठमाडौँ / प्रमुख प्रतिपक्षी दल नेकपा एमालेले गृहमन्त्री नारायणकाजी श्रेष्ठको राजीनामा माग गर्दै उनीमाथि अनुसन्धान गर्न माग गरेको छ ।

बिहीबारको राष्ट्रिय सभाको बैठकमा बोल्दै एमालेका मुख्य सचेतक देवेन्द्र दाहालले त्रिभुवन विमानस्थल भन्सार कार्यालयबाट बरामद भएको एक सय किलो सुन तस्करी प्रकरणमा गृहमन्त्री नारायणकाजी श्रेष्ठको संगल्नता रहेको दाबी गरेका छन् ।

दाहालले सुन तस्करीजस्तो गम्भीर अपराध गृहमन्त्रीको संलग्नताविना हुनै नसक्ने बताए । उनले नैतिकताको आधारमा गृहमन्त्री श्रेष्ठले तत्काल राजीनामा दिनुपर्ने बताए ।

दाहालले सरकारले नै तस्करीलाई सहयोग गरेकोले छानबिन गर्न नसक्ने भन्दै सुन तस्करी काण्डको जरैदेखि छानबिन गर्नका लागि उच्चस्तरीय छानबिन समिति बनाउन माग गरेका छन् ।