`

आज राष्ट्रिय सभाको बैठक बस्दै

Nepal One HD १८ साउन २०८० ८:४२
प्रमुख खबर

काठमाडौं । राष्ट्रिय सभाको बैठक आज बिहीबार दिउँसो १ः०१ बजेका लागि बोलाइएको छ ।

गत साउन ११ गते प्रमुख प्रतिपक्षी नेकपा (एमाले)को अवरोधका कारण स्थगित बैठक आजका लागि बोलाइएको हो । तर आजको राष्ट्रिय सभा बैठक पनि अवरुद्ध हुने देखिएको छ ।

एमालेले सुन तस्करी प्रकरणको विषयलाई लिएर संघीय संसदको प्रतिनिधि र राष्ट्रिय सभा दुवै सदनको बैठक अवरोध गर्दै आएको छ ।

एमालेले प्रधानमन्त्री, गृहमन्त्री र अर्थमन्त्रीको संलग्नताबिना सुन तस्करी सम्भव नभएको भन्दै उच्चस्तरीय छानबिन समिति गठन गरेर अनुसन्धान गर्न माग गर्दै आएको छ । तर सरकारले छानबिन समिति बनाउने विषयमा चासो दिएको छैन् । जसका कारण संघीय संसदको दुवै बैठक स्थगित हुँदै आएको छ ।  उच्चस्तरीय छानबिन समिति गठन नगरेसम्म संसद बैठक अवरुद्ध रहने एमालेको अडान छ ।


प्रतिक्रिया