काठमाडौँ / नेकपा (एमाले) का महासचिव शंकर पोखरेलले राष्ट्रिय स्वतन्त्र पार्टीका सभापति रवि लामिछानेले चितवन-२ मा महिलाका लागि निशुल्क ब्लु बस चलाएर सस्तो राजनीति गर्न खोजेको बताएका छन्।

राष्ट्रिय स्वतन्त्र पार्टीले चितवनमा शुरु भएको महिलाका लागि मात्र सार्वजनिक यातायातले सामाजिक विभेदलाई प्रश्रय दिने बताउँदै उनले समाज कता जाँदैछ भनेर समेत प्रश्न गरेका छन्।

‘नयाँ र वैकल्पिक शक्ति बनाउँछौँ भन्नेहरूले गर्न खोजेको काममा रूपान्तरणकारी सोच र योजना देखिनुपर्दछ । हरेक कामबाट भविष्यको सुन्दर दृश्य देखिनुपर्दछ’, उनले सामाजिक सञ्जाल फेसबुकमा लेखेका छन्’, ‘तर स्वतन्त्र पार्टीका अध्यक्षको अहिलेको कामले भोटको सस्तो राजनीति गर्न खोजेको देखियो । यस्तो कुरामा गम्भीर बनौँ ।’

महासचिव पोखरेलले चितवनबाट नेपाली समाजको भविष्यको सकारात्मक चित्र कोर्ने र सन्देश दिने प्रयास गर्नुपर्ने बताए ।