चिनियाँ राष्ट्रपति सी चिन फिङले शनिबार ३७ औँ अफ्रिकी संघ (एयु) शिखर सम्मेलनको उद्घाटन सत्रमा बधाइ सन्देश पठाउनुभएको छ।सन्देशमा राष्ट्रपति सीले गत वर्ष चीन-अफ्रिका नेताहरूबीचको वार्ता सफलतापूर्वक सम्पन्न भएको स्मरण गर्दै दुवै पक्षले आ-आफ्नो आधुनिकीकरणको मार्गमा एकअर्कालाई सहयोग गर्ने निर्णय गरेको उल्लेख गर्नु भएको छ ।

उहाँले चीन-अफ्रिका सम्बन्ध अझै गहिरो गरी विकास हुँदै गएको कुरा औंल्याउनुभएको छ। विकासको परिकल्पनालाई साकार पार्नका लागि दुवै पक्षले संयुक्त रूपमा उचित वातावरण सृजना गर्नुपर्ने धारणा राख्नु भएको छ ।

उहाँले यस वर्ष चीन-अफ्रिका सहयोगको नयाँ खाका बनाउन अफ्रिकी नेताहरूसँग मिलेर काम गर्न र साझा भविष्यका साथ उच्चस्तरीय चीन-अफ्रिका समुदायलाई संयुक्त रूपमा प्रवर्द्धन गर्ने इच्छा व्यक्त गर्नुभएको छ ।