विराटनगर / श्रम तथा रोजगार मन्त्री डोलप्रसाद अर्यालले कोशी प्रदेशबाट सुरु भएको श्रमाधान रोजगार मेला अरु सवै प्रदेशमा आयोजना गर्ने जानकारी दिएका छन् । विराटनगरमा आजदेखि सुरु भएको श्रमाधान रोजगार मेलाको उद्घाटन समारोहमा उनले यस्तो बताएका हुन् ।

उनले श्रमाधान रोजगार मेलाले दिने नतिजा सरकारका लागि महत्वपूर्ण हुने जिकिर गरेका छन् । सामाजिक सुरक्षा कोषलाई प्रभावकारी बनाउने, विदेशबाट फर्किएका नागरिकहरुलाई स्वदेशमा सिपयुक्त बनाउने माध्यम र सुझावका लागि मेला आयोजना गरिएको उनले बताए ।

सबै प्रदेशमा रोजगारदाता र श्रमिकहरूलाई एक ठाउँमा ल्याएर रोजगारसँग जोड्ने उद्देश्यले मेला आयोजना गरिएको श्रम तथा रोजगार मन्त्रालयले जनाएको छ । हरेक प्रदेशमा दुई/दुई दिन हुने मेला कोशी प्रदेशको विराटनगरमा शुरु भएर जेठ ३० गते बाग्मती प्रदेशको ललितपुरमा सकिने मन्त्री अर्यालले बताए ।