काठमाडौं । प्रभु साह नेतृत्वको आम जनता पार्टी परित्याग गरी उपाध्यक्ष उपेन्द्र साहसहितका दर्जन नेता-कार्यकर्ता एमाले प्रवेश गरेका छन् । च्यासलमा एक कार्यक्रमबीच अध्यक्ष एवं प्रधानमन्त्री केपी शर्मा ओलीले उनीहरूलाई स्वागत गरे ।

       साह एमालेका पूर्व केन्द्रीय सदस्यसमेत हुन् । यस्तै आजपाका स्थायी कमिटी सदस्य मनोजकुमार यादव, फतुवा विजयपुर नगरपालिकाका पूर्वउपप्रमुख कान्तिदेवी महतो, माधवनारायण नगरपालिकाका पूर्व उपप्रमुख सिमलकुमारी साहसहित रौतहट र धनुषाका अन्य नेताहरू पनि एमालेमा भित्रिए ।