काठमाडौं । स्वास्थ्य तथा जनसंख्यामन्त्री प्रदीप पौडेलले पनि राजीनामा दिने भएका छन् । सोमबार जेनजीको प्रदर्शनका क्रममा सरकारको दमनका कारण १९ युवाले ज्यान गुमाएपछि सरकारको चौतर्फी आलोचा भएको छ । ‘यस्तो अवस्थामा सरकारमा बसिरहनु जरुरी भएन,’ उनले भने, ‘राजीनामा दिँदैछु ।’ अहिले कांग्रेसका मन्त्रीहरुले धमाधम राजीनामा दिन थालेका छन् । यसअघि गृहमन्त्री रमेश लेखक, कृषि मन्त्री रामनाथ अधिकारीले राजीनामा दिएका छन् ।