काठमाडौं । बूढानीलकण्ठस्थित कांग्रेस सभापति शेरबहादुर देउवाको निवासमा प्रदर्शनकारीले तोडफोड र आगजनी गरिरहेका छन् । ठूलो संख्याका प्रदर्नशकारी उनका विरूद्ध नाराबाजी पनि गरिरहेका छन् । अहिले त्यस क्षेत्रमा धुँवाको ठूलो मुस्लो आइरहेको छ । तीन–चार राउन्ड गोलीको आवाज सुनिएको स्थानीयले जानकारी दिएका छन् । जेनजीको आन्दोलन चर्किँदै जाँदा प्रदर्शनकारीले नेताको घरलाई निशाना बनाएका छन् ।

प्रदर्शनकारीलाई रोक्न खोजेपनि प्रहरीलाई स्थिति नियन्त्रणमा लिन हम्मेहम्मे परेको छ । नेपाली कांग्रेसका सभापति शेरबहादुर देउवा बिहानै बूढानीलकण्ठ निवासबाट निस्किएका थिए । स्रोतका अनुसार उनी प्रधानमन्त्री केपी शर्मा ओलीसँग भेट्न भनेर निस्किएका थिए । हाल देउवा कहाँ छन् भन्ने खुलेको छैन ।