काठमाडौं । अन्तरिम सरकारकी प्रधानमन्त्रीमा नियुक्त भएकी सुशीला कार्कीलाई राष्ट्रपति रामचन्द्र पौडेलले बधाई दिएका छन् । नवनियुक्त प्रधानमन्त्री कार्कीले आज काठमाडौंमा राष्ट्रपति कार्यालय शीतलनिवासमा पद तथा गोपनियताको शपथग्रहण गरेकी छन्।

शपथ गराएपछि राष्ट्रपति पौडेलले तपाईं सफल हुनुहोस्, देश सफल होस् भन्दै बधाई दिएका हुन् । राष्ट्रपतिले भने, ‘धेरै धेरै बधाई छ। धेरै धेरै शुभकामना। तपाईं सफल हुनुहोस्। देश सफल होस्।’

शपथ ग्रहण कार्यक्रममा उपराष्ट्रपति रामसहायप्रसाद यादव र नेपाल सरकारका उच्च पदस्थ र कूटनीतिज्ञहरु सहभागी थिए । लामो रस्साकस्सीपछि राष्ट्रपति रामचन्द्र पौडेलले पूर्व प्रधानन्याधीश कार्कीलाई केहीबेर अघि मात्रै अन्तरिम मन्त्रिपरिषद्को प्रधानमन्त्रीमा नियुक्त गरेका हुन् ।

संविधानको धारा ६१ को उपधारा ३ र ४ मा अन्तर्निहित राष्ट्रध्यक्षको अधिकार प्रयोग गरी कार्कीलाई प्रधानमन्त्रीमा नियुक्त गरिएको हो । जसमा धारा ६१ को उपधारा ३ मा राष्ट्रपतिले नेपालको राष्ट्रिय एकताको प्रवद्र्धन गर्ने कुरा उल्लेख छ भने उपधारा ४ मा संविधानको पालना र संरक्षण गर्नु राष्ट्रपतिको प्रमुख कर्तव्य हुनेछ भनेर लेखिएको छ ।