काठमाडौं । यातायात व्यवस्था विभागले जेनजी प्रदर्शनका क्रममा लुटेका हातहतियारसहितका सामानहरु ओसारपसार नगर्न, नगराउन आग्रह गरेको छ । विभागले सोमबार एक सूचना जारी गर्दै भदौं २३ र २४ गते जेनजी आन्दोलनका क्रममा विभिन्न स्थानबाट लुटपाट भएका /गरिएका हातहतियार लगायतका सामाग्रीहरु ओसारपसार नगर्न, नगराउन आग्रह गरेको हो ।

विभागले त्यस्ता सामानहरु सार्वजनिक (यात्रुबाहक तथा मालबाहक) र निजी सवारीका साधनहरुबाट ओसारपसार हुन सक्ने सम्भावना भएकोले सबै यात्रु, सवारी चालक, सवारी परिचालक तथा सवारी धनीहरु सचेत हुन आग्रह गरेको छ ।
त्यस्ता सामाग्रीहरु ओसारपसार नगर्न तथा नगराउनु हुन र त्यस प्रकारको क्रियाकलाप भएको देखिएमा नजिकैको प्रहरी कार्यालयहरुमा जानकारी गराउन समेत अनुरोध गरेको छ । विभागले त्यस्तो कार्य हुने गरेको देखिन आएमा प्रचलित कानून बमोजिम कारवाही हुने चेतावनी समेत दिएको छ ।

हेर्नुस् सूचना