काठमाडौं । नेकपा माओवादी केन्द्रका नेता तथा पूर्व उपराष्ट्रपतिको दहचोकस्थित घर जेन जी आन्दोलनको क्रममा ध्वस्त भएको छ । आन्दोलनकारीहरुले उनको घरमा तोडफोडसहित आगजनी गरेका थिए । तोडफोड र आगजनीबाट पुनको घर, सवारी साधन लगायत अन्य सामानहरु पूर्णरुपमा ध्वस्त भएको छ । उपराष्ट्रपतिको दुई कार्यकाल सकिए पश्चात उनी पार्टीमा पुन सक्रिय भएका थियो ।

जेनजी आन्दोलनका क्रममा मुख्य दलका अधिकांश शीर्ष नेताहरुको घर र कार्यालयमा तोडफोड गरिएको छ । नेकपा एमालेका अध्यक्ष समेत रहेका निवर्तमान प्रधानमन्त्री केपी शर्मा ओली, नेकपाली कांग्रेसका सभापति शेरबहादुर देउवा, नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ लगायत प्रायः सबजसो नेताहरुको घर र पार्टी कार्यालयमा आगजनी भएको छ ।