काठमाडौं । जिल्ला प्रशासन कार्यालय, काठमाडौंले पूर्वराष्ट्रपति विद्यादेवी भण्डारीलाई प्रतिलिपी नागरिकता उपलब्ध गराउने भएको छ।

जेन-जी आन्दोलनको दोस्रो दिन २४ भदौमा भण्डारीको निवासमा पनि तोडफोड र आगजनी हुँदा उनको नागरिकता पनि जलेको थियो।

काठमाडौंका प्रमुख जिल्ला अधिकारी ईश्वरराज पौडेलका अनुसार भण्डारीको नागरिकताको प्रमाणपत्र जलेपछि प्रतिलिपी नागरिकता पाँऊ भनेर निवेदन दिएकि थिईन् । सोही अनुरुप विभिन्न सरकारी निकायमा रहेका उनको नागरिकताको प्रमाणपत्रको फोटोकपी र डिजिटल डाटा भिडाएर प्रतिलिपी नागरिकता दिने निर्णय भएको हो ।

जिल्ला प्रशासन कार्यालयले पूर्वराष्ट्रपति भण्डारीलाई प्रतिलिपी नागरिकता लिन दिउँसो २ बजे कार्यालयमा बोलाएको छ।