काठमाडौं । नेत्रविक्रम चन्द (विप्लव) नेतृत्वको नेकपा निर्वाचन आयोगमा सनाखतका लागि निर्वाचन आयोग पुगेको छ । नेकपा महासचिव विप्लव नेतृत्वमा आज नेकपा नेताहरू निर्वाचन आयोग पुगेर पार्टी सनाखत गरेका हुन् । प्रवक्ता खड्गबहादुर विश्वकर्मासहित निर्वाचन आयोगको केन्द्रीय कार्यालय कान्तिपथ पुगेका हुन् ।

आगामी निर्वाचनमा भाग लिने तयारीमा नेकपा छ । विप्लव नेकपाले यसअघि नै दल दर्ताको निवेदन दिएको थियो । दल दर्ताका लागि आवश्यक कागजातसहित सनाखतका लागि आयोगले बोलाएपछि उनीहरू आज सनाखत गर्न गएका हुन् । दल दर्तासँगै विप्लव नेतृत्वको नेकपा पनि अब चुनावमा जाने भएको छ । देश र जनताको चाहना र अहिलेको वस्तुस्थितिलाई बुझेर आफूहरू दल दर्ता प्रक्रियामा लागेको नेताहरूले बताएका छन् ।

तस्वीरहरु : नेपाल फोटो लाइब्रेरी