काठमाडौं । आउँदो २१ फागुनका लागि तोकिएको प्रतिनिधिसभा सदस्य निर्वाचनका लागि नेपाली कांग्रेसका महामन्त्री गगनकुमार थापाको नाम रोल्पाबाट सिफारिस भएको छ । एक मात्र निर्वाचन क्षेत्र भएको जिल्ला रोल्पाको आज बसेको जिल्ला कार्यसमिति बैठकले थापाको नाम सिफारिस गरेको हो ।

लुम्बिनी प्रदेश कार्यसमिति सभापति अमरसिंह पुनका स्वकीय सचिव तथा महाधिवेशन प्रतिनिधि अनुपम जिसीले दिएको जानकारी अनुसार थापासहित लुम्बिनी प्रदेश सभापति पुन, महासमिति सदस्य मनोजमणि आचार्य, व्यवसायी डा. मन्दिप सुवेदी र नेता ज्ञानबहादुर ओलीको नाम सिफारिस गरिएको छ । यत‚ प्रदेश सभापति पुनले पनि आफूले चुनाव नलड्ने र गगनलाई चुनाव लडाउने जानकारी दिए । ‘म चुनाव लड्दिनँ, उहाँलाई लडाउने हो’, उनले भने ।