काठमाडौं । नेपाली कांग्रेसको संस्थापन पक्षले महामन्त्रीबाट निष्कासन गरेका नेता गगन थापाले शेरबहादुर देउवा नेतृत्वको कांग्रेसको केन्द्रीय समिति विघटन भएको घोषणा गरेका छन् ।

विशेष महाधिवेशनमा देउवा र कांग्रेसको संस्थापक कोइराला परिवारका सदस्यहरू नभए पनि धेरै ठूलो परिवारका सदस्यहरू भएको बताए ।

उनले विशेष महाधिवेशनमा निर्वाचन प्रक्रिया अघि बढ्ने र नयाँ कार्यसमिति चयन गर्ने दाबी गरे । उनले भने, ‘त्यो नयाँ कार्यसमिति नेपाली कांग्रेसको कार्यसमिति हो ।’

उनले आज बिहान देउवासँग संवाद गरेर नेतृत्वबाट अलग हुन आग्रह गरिएको स्मरण पनि गरे । अहिले राजनीतिक रूपमा विमती भए पनि संस्थापन पक्षमा आफ्ना नेताहरू बताए ।

तर, विधि र विधानसम्मत बहुमतीय प्रणालीबाट विशेष महाधिवेशनको हलबाट चयन हुने नयाँ नेतृत्व र समितिले आधिकारिता पाउने पनि बताए ।