नेपाली कांग्रेसमा नियमित महाधिवेशन पक्षधर शेरबहादुर देउवा समूहले भृकुटीमण्डपमा जारी विशेष महाधिवेशनलाई मान्यता नदिएपछि औपचारिक रुपमा पार्टी विभाजनको प्रकृया सुरू भएको छ ।

देउवा पक्षमा १४औं महाधिवेशनबाट निर्वाचित सभापति शेरबहादुर देउवा एउटा समूहको नेतृत्वमा कायम रहनेछन् भने विशेष महाधिवेशनले गगन थापालाई सभापतिमा निर्विरोध चयन गर्दैछ ।

आज बेलुकी ८ बजेबाट मतदान हुने भनिएपनि सभापतिमा थापा तथा  महामन्त्रीमा विश्वप्रकाश शर्मा र प्रदीप पौडेलको मात्रै उम्मेद्वारी परेकाले निर्विरोध हुने भएका छन् ।

अब देउवा र थापा नेतृत्वको कुन समूह आधिकारिक हुन्छ भन्ने निर्वाचन आयोगको निर्णयमा भर पर्नेछ । निर्वाचन आयोगको निर्णय चित्त नबुझ्ने पक्ष अदालत जान सक्ने छ । यदी मुद्धा अदालत गएमा यसको अन्तिम छिनोफानो सर्वोच्च अदालतले गर्ने छ ।