काठमाडौं । काठमाडौं महानगरपालिकाले लोकप्रिय कार्यक्रम थालनी गरेको छ ।

महानगरपालिका क्षेत्रका ७० वर्ष र त्यसभन्दा माथिका ज्येष्ठ नागरिकहरूलाई घरघरमै पुगेर आधारभूत स्वास्थ्य सेवा उपलब्ध गराउने कार्यक्रम सुरु गरेको हो ।

महानगरपालिकाकी कार्यवाहक प्रमुख सुनिता डंगोलका अनुसार कार्यक्रमसँगै ज्येष्ठ नागरिकहरूको स्वास्थ्य अवस्थाबारे सर्वेक्षण पनि भइरहेको छ ।

आगामी आर्थिक वर्षमा महानगरपालिकाले नीति तथा कार्यक्रम बनाउँदा तथ्य र प्रमाणमा आधारित होस् भन्नका लागि पनि सर्वेक्षण उपयोगी हुने उनले बताइन् ।

उलने आधारभूत स्वास्थ्य सेवा घरघरबाटै प्रवाह गर्ने क्रममा ज्येष्ठ नागरिकहरूको ब्लड प्रेसर, सुगर, खाइरहेको औषधी आदिबारे जानकारी लिने बताएकी छन् ।

कतिपय ज्येष्ठ नागरिकहरूलाई स्वास्थ्य प्रबद्र्धन केन्द्रबाट सेवा सुविधा उपलब्ध हुने उनको भनाइ छ ।