काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेले समानुपातिक र प्रत्यक्ष दुवैतर्फ घण्टी चुनाव चिह्नमा मत मागेका छन् ।

अन्य चुनाव चिह्नमा मत नहाल्न आग्रह गर्दै उनले देशले जित्नका लागि घण्टीमा मतदान गर्न आग्रह गरे । यसअघि नेताले जितको तर देशले हारेको उनको भनाइ छ ।

लामिछानेले नेपालको संसदमा घण्टी नै घण्टी बनाउन तयार हुन मतदाताहरूलाई आग्रह गरे ।

रास्वपासँग यसपटक अब्बल उम्मेदवारहरू रहेको पनि उनले दाबी गरे ।

तर, उनी स्वयं भने सहकारी ठगी, संगठित अपराध र सम्पत्ति शुद्धीकरण मुद्दाका प्रतिवादी हुन् ।