काठमाडौं। सर्वोच्च अदालतले दुर्गा प्रसाईंमाथि अनुसन्धान गरी कारबाही अघि बढाउन निर्वाचन आयोगले गरेको निर्णयसम्बन्धी फाइल पेश गर्न आदेश दिएको छ।

न्यायाधीशद्वय डा. नहकुल सुवेदी र मेघराज पोखरेलको इजलासले ४ फागुन २०८२ मा निर्वाचन आयोगले जिल्ला प्रहरी परिसर काठमाडौंलाई पठाएको पत्रसम्बन्धी सम्पूर्ण फाइल झिकाउन निर्देशन दिएको हो।

सोही पत्रका आधारमा प्रसाईंलाई पक्राउ गरी अनुसन्धान अघि बढाइएको जिल्ला प्रहरी परिसर काठमाडौंले दाबी गरेको थियो।

यसअघि सर्वोच्च अदालतले प्रसाईंले दायर गरेको मुद्दासम्बन्धी फाइलसमेत झिकाउन आदेश दिँदै मंगलबारका लागि सुनुवाइको मिति तोकेको छ।