काठमाडौं । नेपाली कांग्रेसका उम्मेदवार डा. सुनिल शर्माले जित निश्चित भएको दाबी गरेका छन् । जितका लागि चिन्ता नभएको उनले बताए ।

‘जित त निश्चितै छ नि । भोट जनताले दिने हो, उम्मेदवार म हुँ । अनि कसले जित्छ त ? यहाँका जनताले सबैले मायाँ गर्नुभएको छ, जितिहालिन्छ, चिन्ता गर्नु पर्दैन,’ उनले मतदानपछि भने ।

उनले कांग्रेसले देशभरमा ७० प्रतिशत मत प्राप्त गर्ने पनि दाबी गरे । उनी मोरङ–३ मा कांग्रेसबाट उम्मेदवार छन् ।

यसअघि पनि उनी त्यही क्षेत्रबाट प्रतिनिधिसभा सदस्य निर्वाचित थिए ।\