काठमाडौं । दाङकाे प्रतिनिधिसभा निर्वाचन क्षेत्र नम्बर-३ काे बबई गाउँपालिकाकाे एउटा मतदान केन्द्रमा मतदाताहरुले मतदान बहिस्कार गरेका छन् ।

गाउँपालिकाकाे वडा नम्बर-१ का अध्यक्ष प्रेमबहादुर डाँगीका अनुसार जिला आधारभूत विद्यालय मतदान केन्द्रमा अहिलेसम्म एक जना मतदाता पुगेका छैनन् ।

त्यहाँ ६४० जना मतदाता छन् । गत स्थानीय तह निर्वाचनमा ४०० काे हाराहारीमा मतदान भएकाे थियाे । तर, प्रतिनिधिसभा निर्वाचनमा उनीहरु ‘नाे भाेट’काे पक्षमा उभिए ।

यस ठाउँ बाँके राष्ट्रिय निकुञ्‍जकाे मध्यवर्ती क्षेत्रमा पर्छ । बर्दीया राष्ट्रिय निकुञ्‍जलगायत विभिन्‍न निकुञ्‍जकाे मध्यवर्ती क्षेत्रका वासिन्दाहरु वन्यजन्तुबाट असुरक्षित बन्दै गइरहेका बेला उनीहरुले प्रधानमन्त्रीलाई समेत भेटेर बस्ती स्थानान्तरणकाे माग गरेका थिए ।

तर, बस्ती स्थानान्तरण भएन । यसपछि निर्वाचन प्रचारका लागि विभिन्न दलका उम्मेदवारहरु जाँदा उनीहरुले बेवास्ता गरे । बस्ती स्थानान्तरण नभई मत नदिने अडान लिए ।

तर, पनि यहाँ मतदान केन्द्र ताेकियाे । मतदान अधिकृत, सहायक मतदान अधिकृत, अन्य मतदान कर्मचारीसँगै सुरक्षाकर्मी निर्वाचन अधिकृतकाे कार्यालयले खटायाे ।

मतदाताहरु भने मतदान गर्न आएनन् । याे समाचार तयार पार्दासम्म जिला आधारभूत मतदान केन्द्रमा मतदान शून्य भएकाे छ ।