काठमाडौँ । चीनले ९ मिनेटमै चार्ज हुने गाडी बजारमा ल्याएको छ । याे इलेक्ट्रिक भेहिकल (इभी)को क्षेत्रमा चीनले गरेकाे चमत्कार हाे ।

प्रख्यात चिनियाँ इलेक्ट्रिक कार कम्पनी ‘बीवाईडी’ले आफ्नो नयाँ गाडी फाङ छेङ बाओ टी ३ को ‘फ्ल्याश चार्जिङ एडिसन’ ल्याएको हो ।

यो कारको विशेषता भनेकै सुपर फास्ट चार्जिङ स्पीड हो ।

सामान्य तापक्रममा यो गाडी ९ मिनेटमै फुल चार्ज हुने र ६२० किलोमिटरको रेन्ज दिने कम्पनीको दाबी छ । माइनस ३० डिग्री तापक्रममा पनि यो गाडीको चार्जिङ स्पीडमा ३ मिनेटमात्र फरक पर्ने जनाइएको छ ।

यो गाडीमा एआईको समेत प्रयोग गरिएको कम्पनीले जनाएको छ ।

यसमा ‘गड्स आई’ नामक ड्राइभर असिस्टेन्ट सिस्टम रहेको र सेन्सर तथा क्यामेराको मद्दतले सडकमा हुने सम्भावित खतरा पहिचान गरी गाडीलाई सुरक्षित राख्न मद्दत गर्ने कम्पनीको भनाइ छ ।