काठमाडौं । नेपाली कांग्रेसको केन्द्रीय कार्य समिति बैठकमा  सभापति गगन थापाले दिएकाे राजीनामा अस्वीकृत प्रस्ताव पेस हुने भएकाे छ ।

एक नेताका अनुसार भाेलि बस्ने केन्द्रीय समिति बैठकबाट गगनकाे राजीनामा अस्वीकृत गर्न उक्त प्रस्ताव पेस गर्न लागिएकाे हाे ।

गगनले हिजाे पदबाट राजीनामा दिएका थिए। उनले राजीनामा पत्र उपसभापति विश्‍वप्रकाश शर्मालाई थापाले बुझाएका थिए ।

निर्वाचनमा पार्टीले बेहाेरेकाे हारकाे नैतिक जिम्मेवारी लिँदै उनले राजीनामा दिएका हुन् ।

थापाले राजीनामा दिएपछि बस्न लागेकाे बैठकको अध्यक्षता उपसभापति शर्माले गर्नेछन् । सो बैठकमा शर्माले थापाले सभापति पदबाट राजीनामा दिएको औपचारिक जानकारी गराउने र सो राजीनामा अस्वीकृत गर्ने प्रस्ताव पनि पेस गर्ने तयारी गरेको स्रोतले बतायो ।

पुस अन्तिम साता भएको कांग्रेसको विशेष महाधिवेशनबाट गगन थापा सभापति चुनिएका थिए ।

थापा २१ फागुनको निर्वाचनमा सर्लाही क्षेत्र नम्बर ४ बाट चुनाव लडे पनि रास्वपा उम्मेदवार अमरेस कुमार सिंहसँग पराजित भएका थिए ।

विशेष महाधिवेशनबाट चुनिएका र चुनाव लडेका सबै पदाधिकारी निर्वाचनमा पराजित भएपछि गगन थापामाथि नैतिक प्रश्न उठेको थियो ।