काठमाडौं । राष्ट्रिय स्वतन्त्र पार्टी (रास्वपा)का सांसद पुरुषोत्तम यादवले बालेन प्रधानमन्त्री हुँदा गलत काम गरे विरोध गर्ने बताएका छन् ।

२०४६ यता सरकारमा रहेका पदाधिकारीहरूको फाइल खोल्ने भनिएकोमा नखोलिए विरोध गर्ने बताएका हुन् ।

उनले भने, ‘हामीले सरकारको खिलाफमा पनि बोल्ने हो, यदि उनले गलत काम गरे भने । उनले भनेका छन् कि २०४६ सालदेखिको फाइल खोल्छु ।’

सांसद यादवले मधेस समस्यै समस्यामा रहेको भन्दै चिन्ता प्रकट गरे । त्यही भएर मधेसले यसपटक रास्वपालाई विश्वास गरेको र विश्वास टुट्न दिन नहुने बताए ।