काठमाडौं । नेकपा एमालेका अध्यक्ष तथा पूर्वप्रधानमन्त्री केपी शर्मा ओलीले नवनियुक्त प्रधानमन्त्री बालेन्द्र शाह ‘बालेन’लाई बधाई तथा शुभकामना दिएका छन् ।

शुक्रबार उनले बालेन र उनका मन्त्रिपरिषदका सदस्यहरूलाई राष्ट्रपति रामचन्द्र पौडेलले पद तथा गोपनीयताको शपथ ग्रहण गराएपछि ओलीले बधाई तथा शुुभकामना दिएका हुन् ।

उनले सामाजिक सञ्जाल फेसबुकमा लेखेका छन्, ‘राष्ट्रिय स्वतन्त्र पार्टीका वरिष्ठ नेता बालेन्द्र शाह प्रधानमन्त्री नियुक्त हुनु भएकोमा हार्दिक बधाई । नवनियुक्त सम्माननीय प्रधानमन्त्री शाहलगायत मन्त्रिपरिषदका सबै सदस्यको कार्यकाल सफलताको शुभकामना व्यक्त गर्दछु ।’

\गत २१ फागुनमा भएको निर्वाचनमा बालेन झापा–५ बाट निर्वाचित भएका हुन् । त्यसअघि बालेन काठमाडौंका मेयर थिए ।