काठमाडौं । सभामुख डोल प्रसाद (डीपी) अर्यालको शपथ ग्रहण आजै हुने भएको छ। उनी आज दिउँसो साढे २ बजे पद तथा गोपनीयताको शपथ लिनेछन्।

शीतल निवासमा राष्ट्रपति रामचन्द्र पौडेलले अर्याललाई शपथ गराउने कार्यक्रम रहेको छ। शपथपछि उनी आजै आफ्नो कार्यकक्षमा पुगेर पदभार ग्रहण गर्नेछन्।

गत शुक्रबार सभामुख पदका लागि मनोनयन दर्ता हुँदा अर्यालको मात्र उम्मेदवारी परेको थियो। त्यसअनुसार प्रतिनिधिसभाको आजको बैठकमा ज्येष्ठ सदस्य अर्जुन नरसिंह केसीले उनलाई सभामुख पदमा निर्विरोध निर्वाचित भएको औपचारिक घोषणा गरेका हुन्।