काठमाडौं। प्रधानमन्त्री तथा मन्त्रिपरिषद् कार्यालयले सार्वजनिक गरेको सम्पत्ति विवरणमा प्रश्न उठेपछि गृहमन्त्री सुधन गुरुङले त्यसको जवाफ दिएका छन्।  उनले सामाजिक सञ्जालमार्फत आफ्नो सम्पत्तिबारे स्पष्टीकरण दिएका हुन् ।

उनले लेखेका छन्, ‘तिमी जन्मँदै गरिब जन्मनु त्यो तिम्रो गल्ती होइन, तिमी मर्दा गरिब मर्नु त्यो तिम्रो गल्ती हो।” साथै उनले थप लेखेका छन्, “सरकारमा आउनुअघि बिना भ्रष्टाचार कमाउनु पाप होइन, सरकारमा आएर भ्रष्टाचार गरेर कमाउनु पाप हो।’

सार्वजनिक विवरणअनुसार मन्त्री गुरुङसँग धनकुटा, चितवन र गोरखामा गरी ठूलो परिमाणमा जग्गा रहेको देखिएको छ। धनकुटामा १९ रोपनी, चितवनमा ३० कट्ठा र गोरखामा २२१ रोपनी जग्गा रहेको उल्लेख छ।

त्यसैगरी बैंक खातामा करिब ६० लाख रुपैयाँ, विभिन्न कम्पनीमा करिब साढे ४ करोड रुपैयाँ बराबरको सेयर लगानी र एक कार रहेको विवरणमा उल्लेख छ। चल सम्पत्तिमा ८९ तोला सुन र ६ किलो चाँदी पनि रहेको बताइएको छ।

मन्त्री गुरुङले आफ्नो अधिकांश सम्पत्ति पैतृक रूपमा प्राप्त भएको समेत दाबी गरेका छन्।