काठमाडौं । इरानले महत्त्वपूर्ण समुद्री मार्ग स्ट्रेट अफ हर्मुज पुनः बन्द गरिएको घोषणा गरेको छ। उक्त मार्ग खुला गर्ने निर्णय गरेको २४ घण्टा नबित्दै फेरि बन्द गर्ने घोषणा गरिएको हो।

इरानी सेनाका अनुसार, अमेरिकाले लगाएको नाकाबन्दी हटाएपछि मात्र जलमार्ग पुनः खोलिनेछ। यसबारे अल जजीराले पनि पुष्टि गरेको छ।

इरानका सैन्य अधिकारीहरूले अमेरिकी नाकाबन्दी कायम रहेसम्म होर्मुज जलमार्ग खुला राख्न नसकिने स्पष्ट पारेका छन्। साथै, इरानले अमेरिकी कदमलाई अन्तर्राष्ट्रिय कानुनको उल्लंघन भएको भन्दै कडा आपत्ति जनाएको छ।

यसअघि हिजो साँझ इरानका विदेशमन्त्री अब्बास अराघचीले युद्धविरामको बाँकी अवधिसम्म” जलमार्ग व्यापारका लागि पूर्ण रूपमा खुला राखिने घोषणा गरेका थिए। तर उक्त घोषणा गरेको २४ घण्टा नबित्दै पुनः बन्द गर्ने निर्णय गरिएको हो।

 हर्मुज विश्वको प्रमुख तेल आपूर्ति मार्ग हो, जहाँबाट करिब २० प्रतिशत कच्चा तेल ढुवानी हुन्छ। यस क्षेत्रमा तनाव बढेसँगै अन्तर्राष्ट्रिय तेल बजार र समुद्री व्यापारमा असर पर्ने चिन्ता व्यक्त गरिएको छ।