काठमाडौं।  नेपाली कांग्रेसका निवर्तमान सभापति शेरबहादुर देउवा र निवर्तमान उपसभापति पूर्णबहादुर खड्का पक्षका नेताहरू काठमाडौंको धुम्बाराहीमा छलफलमा जुटेका छन्।

सर्वोच्च अदालतले विशेष महाधिवेशनविरुद्ध देउवा–खड्का पक्षले दायर गरेको रिट खारेज गरेपछि कांग्रेसभित्रको आगामी रणनीतिबारे छलफल तीव्र बनेको हो।

यसअघि शनिबार गोल्फुटारस्थित खड्का निवासमा छलफल भएको थियो भने आइतबार धुम्बाराहीमा दोस्रो चरणको बैठक बसेको हो।

छलफलमा पूर्णबहादुर खड्का, विमलेन्द्र निधि, प्रकाशमान सिंह, कृष्णप्रसाद सिटौला, मीनबहादुर विश्वकर्मा, रामहरि खतिवडा, नैनसिंह महर, कुन्दनराज काफ्ले, कान्तिका सेजुवाल, ईश्वरी न्यौपाने, गणेश लामालगायत नेता सहभागी छन्।

तस्वीरहरु: