काठमाडौं। सरकारले विद्यार्थी संगठन खारेज गर्ने तयारी गरेको विरोधमा संयुक्त विद्यार्थी संगठनहरूले बिहीबार काठमाडौंको भृकुटीमण्डपमा प्रदर्शन गरेका छन्।

प्रदर्शनमा सहभागी विद्यार्थीहरूले ‘कालो चस्मा कालो मन’, ‘नयाँ सरकारको उपलब्धि धनै धन’ जस्ता नारासहितका प्लेकार्ड बोकेर सरकारको कदम तत्काल फिर्ता लिन माग गरे।

ल क्याम्पसका विद्यार्थीहरूको अगुवाईमा गरिएको विरोध कार्यक्रममा विभिन्न छात्र संगठनका प्रतिनिधिहरू सहभागी थिए। प्रदर्शनकारीहरूले विद्यार्थी संगठन खारेज गर्ने निर्णय स्वतन्त्र अभिव्यक्ति र विद्यार्थी अधिकारमाथिको हस्तक्षेप भएको आरोप लगाएका छन्।