मनोहरामा सुकुम्वासी बस्ती भत्काइँदै,सुरक्षा व्यवस्था कडा (तस्वीरहरू)
Nepal One HD १३ वैशाख २०८३ १०:३९
काठमाडौं । काठमाडौं र भक्तपुरको सीमा क्षेत्रमा पर्ने मनोहरा क्षेत्रको सुकुम्वासी बस्तीमा आइतबार बिहानदेखि पुनः डोजर चलाइएको छ।
दुवै जिल्लातर्फ पर्ने मनोहरास्थित बस्ती खाली गराउने कार्यलाई निरन्तरता दिइएको हो।
शनिबार बेलुका बस्ती खाली गराउने क्रममा अवरोध भएपछि घरटहरा भत्काउने काम रोकिएको थियो। त्यस क्रममा डोजर र सुरक्षाकर्मीमाथि ढुंगामुढा भएको बताइएको छ।
त्यसपछि रोकिएको अभियान आइतबार बिहानदेखि पुनः सुरु गरिएको हो।
बस्ती खाली गराउने क्रममा ठूलो संख्यामा प्रहरी परिचालन गरिएको छ। जिल्ला प्रहरी परिसर काठमाडौं र भक्तपुरबाट सुरक्षाकर्मी खटिएका छन् भने काठमाडौं महानगरपालिकाको नगरप्रहरी टोली पनि परिचालन गरिएको छ।
उक्त क्षेत्रमा केही पक्की संरचनाहरू समेत बनेको पाइएको छ।
यसअघि सरकारले काठमाडौंका थापाथली र गैरीगाउँका सुकुम्वासी बस्तीहरू पनि खाली गराइसकेको थियो।
