काठमाडौं । ‘ढेंडुमुखे’ भन्दै श्रम संस्कृति पार्टीका अध्यक्ष हर्क साम्पाङले पूर्वसचिव भीम उपाध्यायको कडा शब्दमा आलोचना गरेका छन् ।

शारीरिक बनावटलाई आधार मानेर यस्तो टिप्पणी गर्नु सांसद समेत रहेका साम्पाङलाई शोभनीय हुँदैन । सांसदको पदीय आचरण र मर्यादाविपरीत हो ।

तर, बालेन्द्र शाहको सरकारले सुकुम्बासी बस्ती हटाएपछि निरन्तर विरोध गरिरहेका साम्पाङलाई पूर्वप्रधानमन्त्रीहरू पुष्पकमल दाहाल प्रचण्ड, केपी शर्मा ओली र शेरबहादुर देउवासँगै राखेर एआईबाट बनाइएको तस्बिर राख्दै पूर्वसचिव उपाध्यायले ‘मर्द नेताले यसरी काम गर्छन्, नामर्दहरू यसरी रुन्छन्’ भन्दै खिसी गरेका थिए ।

केही समयपछि साम्पाङले पूर्वसचिव उपाध्यायलाई गरिबको पीडा थाहा नहुने भन्दै ‘ढेँडुमुखे’ भनेका हुन् ।

साम्पाङको यस्तो कमेन्टपछि थुप्रैले प्रतिक्रिया जनाएका छन् ।