काठमाडौं । ‘केटाकेटी सरकार’ भन्दै बालेन सरकारलाई श्रम संस्कृति पार्टीका अध्यक्ष हर्क साम्पाङले गिज्याएका छन् ।

बालेन सरकारले संवैधानिक परिषद् सम्बन्धी अध्यादेश राष्ट्रपति पौडेलसमक्ष पुनः पठाएको विषयलाई लिएर तीव्र असन्तुष्टि जनाएका साम्पाङले अपरिपक्‍व राजनीतिक सस्कार देखाएको भन्दै बालेन सरकारलाई ‘केटाकेटी सरकार’ भनेका हुन् ।

अध्यादेश फिर्ता पठाउने राष्ट्रपतिको कदमको समर्थनमा रहेका उनले एकपटक अस्वीकार गरेपछि फेरि स्वीकार्ने भन्ने नहुने बताए ।

उनले लेखेका छन्, ‘केटाकेटी सरकार… अध्यादेश फेरि पठाएछ। यसपाली चाहिँ ललिपपसहित पठाएको हो र ? एक चोटि हुँदैन भनेपछि हुँदैन नि! ।’

साम्पाङले अध्यादेश पुनः पठाउने बालेन सरकारको निर्णयप्रति असहमति जनाएका हुन् । राजनीतिक वृत्तमा पनि राष्ट्रपतिबाट फिर्ता भएको अध्यादेश पुनः सोही रूपमा पठाइनु उपयुक्त हो वा होइन भन्ने बहस चलिरहेको छ।