काठमाडौं। राष्ट्रिय प्रजातन्त्र पार्टी विभाजन भएको छ। डा. धवलशम्शेर राणाको समूहले आज राजधानीको होटल येलो प्यागोडामा एक कार्यक्रम गर्दै सामूहिक राजीनामा दिएको हो। आज भएको कार्यक्रममार्फत १८३ जनाले राजीनामा दिएका थिए। तर यो सूची बढेर १९२ पुगेको छ।

राप्रपाको सामूहिक राजीनामा दिने समूहको थपिएको सूचीमा केन्द्रीय सल्लाहकार समिति सदस्य राजकुमार जोशी, पूर्व केन्द्रीय सदस्य मदन पोखरेल, मनिष शर्मा, राधा शाही, विना अधिकारी, विमल अधिकारी, पशुपति कठायत, प्रविणकुमार शेरचन लगायतका नेता तथा कार्यकर्ता छन्।

पार्टी अध्यक्ष राजेन्द्र लिङ्देनले राजावादी आन्दोलन तुहाएको भन्दै राणा समूहले पार्टी छोडेको हो। बिहीबार भएको कार्यक्रममा पहिलो चरणमा पार्टी परित्याग गर्नेहरूमा महामन्त्री डा. धवलशम्शेर राणा, उपाध्यक्ष मुकुन्दश्याम गिरी, पूर्वमन्त्री दिलनाथ गिरी लगायतका नेता रहेका छन्।