काठमाडौं। दाङको बङगलाचुली गाउँपालिका–८ स्थित घोरलभिर (पिपली जंगल) क्षेत्रमा लुकाएर राखिएको अवस्थामा ११ नाल भरुवा बन्दुक प्रहरीले बरामद गरेको छ।

प्रहरीका अनुसार बुधबार बिहान करिब ९ बजे झाडीभित्र भरुवा बन्दुक लुकाइएको भन्ने गोप्य सूचनापछि प्रहरी चौकी रामपुरबाट प्रहरी सहायक निरीक्षकको नेतृत्वमा टोली खटिएको थियो।

खोजतलासका क्रममा झाडीभित्र लुकाइछिपाइ राखिएको अवस्थामा एक नाल प्रयोग गर्न नमिल्ने (बेचालु) र १० नाल प्रयोगयोग्य तर लोड नगरिएका भरुवा बन्दुक फेला परेका हुन्।

बरामद गरिएका बन्दुक कसले, किन र कहिले त्यहाँ लुकाएको हो भन्ने विषयमा प्रहरीले अनुसन्धान अघि बढाएको जनाएको छ।