वीरगञ्ज । जिल्ला प्रशासन कार्यालय पर्साले वीरगञ्ज महानगर क्षेत्रमा निषेधाज्ञा जारी गरेको छ।

जिल्ला सुरक्षा समितिको निर्णयअनुसार बिहीबार साँझ ५ बजेदेखि शुक्रबार बिहान ६ बजेसम्म लागू हुने गरी निषेधाज्ञा जारी गरिएको हो।

निषेधाज्ञा अवधिमा वीरगञ्ज महानगरपालिकाअन्तर्गत प्रतिमा चोक, बसपार्क बाइपास रोड, तिलावे पुल, गण्डक चोक र शंकराचार्य गेटले घेरिएको क्षेत्रमा पाँच जनाभन्दा बढी भेला हुन रोक लगाइएको छ।

त्यसैगरी उक्त क्षेत्रमा सभा, जुलुस तथा प्रदर्शन गर्नसमेत प्रशासनले प्रतिबन्ध लगाएको छ।