काठमाडौं । नेपाली कांग्रेसले सुनसरी, सिरहा, धनुषा र पर्सालगायतका जिल्लामा भएका घटनामा सरकारले नागरिकमाथि गोली चलाउनुपर्ने अवस्था किन आयो भन्ने विषयमा जवाफ दिनुपर्ने माग गरेको छ।

प्रतिनिधिसभाको बैठकमा बोल्दै कांग्रेस संसदीय दलका नेता भिष्मराज आङ्देम्बेले ती घटनाको सत्यतथ्य छानबिनका लागि न्यायिक छानबिन समिति गठन गर्न माग गरे।

‘हाम्रो स्पष्ट माग छ- यस घटनाको सत्त्य तथ्य, निष्पक्ष र विश्वशनीय छानबिनका लागि न्यायीक छानविन समिति गठन गर्नुपर्छ,’ उनले भने।

उनले घटनामा ज्यान गुमाउनेप्रति श्रद्धाञ्जली व्यक्त गर्दै घाइतेको शीघ्र स्वास्थ्यलाभको कामना गरे।

साथै क्षति भएको सम्पत्तिको मूल्यांकन गरी पीडितलाई क्षतिपूर्ति उपलब्ध गराउन सरकारको ध्यानाकर्षण गराए।