काठमाडौं । नेपाली कांग्रेस संसदीय दलका नेता भिष्मराज आङ्देम्बेले वर्तमान सरकारले सुकुम्बासी समस्या समाधान गर्न नभई राजनीतिक स्टन्टका लागि बस्ती हटाएको आरोप लगाएका छन्।

‘यसैबाट प्रष्ट हुन्छ सरकारले समाधान चाहेको थिएन स्टन्ट मात्र चाहेको थियो,’ उनले भने। 

संसद्मा बोल्दै उनले सरकारले दीर्घकालीन योजना, कानुनी आधार र पुनर्स्थापनाको तयारीबिना डोजर चलाएको बताए।

उनले भने, ‘सरकारले समस्या समाधान गर्न खोजेको भए संसद्बाट कानून बनाएर अघि बढ्न सक्थ्यो, तर विना तयारी डोजर चलाएर नागरिकलाई विस्थापित गरियो।’

आङ्देम्बेले भूमि आयोग खारेज गरेर सरकारले समाधानभन्दा राजनीतिक नियुक्तितर्फ ध्यान दिएको आरोपसमेत लगाए।

उनका अनुसार राज्यको तयारी, विवेक र विधि नभई केवल बल प्रयोगको बाटो अपनाइएको छ।