काठमाडौं। नेपाली कम्युनिष्ट पार्टीका नेता तथा पूर्वप्रधानमन्त्री झलनाथ खनाल र जनता समाजवादी पार्टीका अध्यक्ष उपेन्द्र यादवबीच भेटवार्ता भएको छ।

खनालको डल्लुस्थित निवासमा भएको भेटवार्तामा पछिल्लो राजनीतिक परिस्थिति, राष्ट्रियताको सवाल तथा वामपन्थी र लोकतान्त्रिक शक्तिबीच सहकार्य र एकताका विषयमा छलफल भएको बताइएको छ।

भेटमा समसामयिक राजनीतिक घटनाक्रमका साथै मुलुकको राजनीतिक स्थायित्व र आगामी दिनमा विभिन्न राजनीतिक शक्तिबीच हुन सक्ने सहकार्यबारे समेत विचारविमर्श भएको जनाइएको छ।

यादव र खनालबीचको भेटलाई पछिल्लो समय वामपन्थी तथा लोकतान्त्रिक शक्तिबीच सहकार्यको बहस चलिरहेका बेला भएको महत्वपूर्ण राजनीतिक भेटका रूपमा हेरिएको छ।